La notg sin venderdi han 73 recruts a Cuira stuì vegnir isolads perquai ch'els avevan mal dal stumi e da la beglia. Pertge ch'els èn vegnids malsauns n'è anc betg cler. Il medi da la truppa suppona ina malsogna infectusa dal tract digestiv, sco il Departament federal da defensiun VBS ha communitgà il venderdi.
Per part hajan ils recruts diarrea e da vomitar. Suenter emprims tests possian ins però excluder il norovirus sco pussaivla raschun. Ils recruts che n'èn betg pertutgads da la malsogna pon ir a chasa il venderdi saira per la fin d'emna. Ils recruts malsauns vegnan probablamain relaschads la sonda da mezdi suenter in'ulteriura controlla da medi en la fin d'emna.
La scola da recruta da l'infantaria 12 a Cuira è en la 10avla emna da la RS. En tut fan 657 là la scolaziun d'infantarist.
RR novitads 20:00