Siglir tar il cuntegn

Header

Tribuna da teater cun um che suna la gia.
Legenda: Fertant ch'ils chantuns han surtut sustegnì la musica ed il teater, ha la Confederaziun sustegnì il film ed il kino. Keystone
cuntegn

Cultura en Svizra La pli gronda part da las subvenziuns vegn dals chantuns

Cun trais milliardas francs ha il maun public sustegnì il 2018 la cultura – 700 milliuns francs èn vegnids dals chantuns.

Cun circa 3 milliardas francs ha il maun public sustegnì la cultura il 2018. La pli auta cumpart da las subvenziuns prestan ils chantuns, scriva l’Uffizi federal da statistica.

Ils 26 chantuns han ensemen sustegnì la cultura cun 700 milliuns francs, suandà da las vischnancas cun bun 600 milliuns francs e la Confederaziun cun var 200 milliuns francs. Il pli blers daners han ils chantuns e las vischnancas dà or per la musica ed il teater, fertant che la Confederaziun ha sustegnì pli ferm il film ed il kino sco er las medias da massa. Il Grischun ha il 2018 sustegnì la cultura cun passa 33 milliuns francs.

La statistica mussa vinavant che las chasadas privatas dattan or en media 347 francs al mais per la cultura. Bunamain la mesadad da quella summa va per l'access a l'internet, var 40 francs per cudeschs e gasettas sco er bun 15 francs al mais per teater e musica.

RTR novitads 12:00

Artitgels legids il pli savens

Scrollar a sanestra Scrollar a dretga