La scriventa tudestga-svizra Sibylle Berg vegn onurada cun il premi Johann-Peter-Hebel 2020, dentant pir l'auter onn. Sco strusch in'autra scriventa haja Sibylle Berg ina sensibilitad extraordinaria per il stan da la societad da noss temp, ha ludà la secretaria dal ministeri d'art a Stuttgart l'ovra da l'autura da 57 onns.
Il premi ch'è dotà cun 10'000 euros vegn surdà normalmain mintga 2 onns en connex cun la festa da Hebel a Hausen en il Wiesental. Pervi da la crisa da corona duai Berg survegnir il premi il matg 2021.
