Siglir tar il cuntegn

Header

cuntegn

Cumbat cunter corona Roche na vul betg parter licenzas

Interpresas duain dar liber secrets d’affar per ils tests da corona, sco per exempel la procedura da producir. Quai pretenda l’organisaziun nun-guvernamentala Public Eye.

L’appel va era a Roche ch’è il numer 1 dal mund en la diagnostica. Dar liber licenzas na vegn però betg en dumonda per Roche. La qualitad na possia uschia betg vegnir garantida, scriva il concern da farmazia sin dumonda dad SRF.

Ins haja però augmentà per 4 giadas lur atgna capacitad da producir. Plinavant lavuria il concern ensemen cun partenaris ch’el tschernia sez. Tuttas opziuns per augmentar la producziun vegnian evaluadas.

Voluntariadad na tanscha betg

Als critichers na tanscha la voluntariadad da Roche dentant betg. A la radunanza generala da la Organisaziun mundiala da sanadad (WHO) a Genevra èn ils pajais sa cunvegnids davart ina resoluziun, che pretenda che patents vegnan licenziads sin basa voluntara.

Sche quella resoluziun vegn a purtar fritg, vegn a sa mussar. Er la Svizra ha sustegnì la resoluziun. Pretensiuns che van pli lunsch, sco per exempel lincenzas obligatoricas, survegnan strusch sustegn.

RTR novitads 10:00

Artitgels legids il pli savens