En Svizra saja la situaziun tendida pervi da la varianta omicron. Quai ha scrit il minister da sanadad Alain Berset sin Twitter.
L'economia stoppia sa preparar sin bleras mancanzas e far tut per evitar infecziuns. Bain hajan ils ospitals anc capacitads, dentant stoppian els quintar cun dapli cas acuts. Mesiras pli severas sajan prontas. Sch’i saja necessari, possia il Cussegl federal decider spert. Ins vegnia a persequitar fitg intensiv tge effect che la fin da las vacanzas ed il cumenzament da scola haja sin l'occupaziun dals ospitals.
Ier mesemna ha l’Uffizi federal da sanadad annunzià passa 31’100 novas infecziuns entaifer in di. La media dals ultims set dis è uschia 66% pli auta ch’avant in’emna.
audio
Per tadlar las novitads da las 06:00
ord RTR Audio dals 06.01.2022.
Maletg: RTR
laschar ir. Durada: 3 minutas 52 Secundas.