Siglir tar il cuntegn

Header

cuntegn

Cumbat dal coronavirus Task force «corona» federala vegn schliada pli baud

purtret tanja stadler en conferenza da medias
Legenda: La manadra da la taskforce corona federala Tanja Stadler avertescha da restar attent. Keystone

La Taskforce da corona da la Confederaziun sa schlia gia la fin da mars, enstagl da la fin da matg. La scheffa da la taskforce, Tanja Stadler, appellescha uss a la publicitad da sa preparar per ina segunda vaccinaziun da booster durant l’atun.

Tenor la taskforce s’infecteschian puspè dapli persunas veglias cun il virus. Las ospitalisaziuns restian però per gronda part stabilas, di Stadler en in'intervista cun la chasa editura Tamedia. Quai saja in segn che l’immunitad cunter grevas infecziuns saja anc avant maun, concluda la taskforce ed avertescha da vinavant esser attent.

Nus stuain però vinavant esser fitg attents. Sche quai mida, lura èsi en l'interess da tuts che questas persunas fan in'ulteriura vaccinaziun da rinfrestgament.
Autur: Tanja Stadler manadra taskforce federala cunter corona

I vegnia ad esser central da planisar bain questa segunda vaccinaziun da rinfrestgament, quest segund «booster». Quai saja da planisar gia la stad per ch'ins saja preparà l'atun, sch'i avessia da cuntinuar cun il coronavirus.

audio
Per tadlar: Las novitads da las 08:00
aus RTR Audio vom 22.03.2022.
abspielen. Laufzeit 5 minutas.

RTR novitads 08:00

Artitgels legids il pli savens

Scrollar a sanestra Scrollar a dretga