Attatgas en l'internet duain vegnir cumbattidas sur ils cunfins chantunals ora. Il procuratur public general Michael Lauber ha en mira in center da cumpetenzas cunter criminalitad da cyber. En quest grà regia unitad tranter las autoritads pertutgadas - chantunalas e da la confederaziun. Quai ha Lauber ditg a la Samstagsrundschau da Radio SRF.
Lauber haja s'inscuntrà cun represchentants da las autoritads da persecuziun chantunalas e cun l'Uffizi federal da polizia. I dovria ina collavuraziun pli effizienta tranter la procura publica e la polizia. Surtut stoppia dar in midament da conscienzia tar la polizia, las procuras publicas e las dretgiras per uschia savair reagir pli svelt.
RR novitads 17:00