Siglir tar il cuntegn

Header

cuntegn

Svizra CUMCO avertescha da surregulaziun

La Cumissiun da concurrenza CUMCO (WEKO) guarda enavos sin in onn da fatschenta sut l’ensaina da la digitalisaziun da l’economia. Quella porschia schanzas, scriva la cumissiun. Sco exempel numna ella il commerzi online. La CUMCO è dentant skeptica da reducir quest commerzi en l'internet.

audio
Mezdi: Rapport annual CUMCO
ord Actualitad dals 11.04.2017.
laschar ir. Durada: 55 Secundas.

Ils consuments profiteschian da dapli transparenza ed ina purschida pli vasta. Ils commerziants possian cuntanscher dapli consuments. Models da fatschenta innovativs sajan giavischads – ha suttastritga la cumissiun. Ella veglia dentant intervegnir sche la concurrenza fiss periclitada. Per l'autoritad è la digitalisaziun ed ils novs models da fatschenta che resultan ordlunder ina schanza d'enchaminar novas vias. I fetschia dentant donn a la concurrenza sch'ins vul sfurzar novs models da fatschenta en «corsets da regulaziun» vegls e betg adattads, uschia scriva la Cumissiun da concurrenza.

Inquisiziuns cunter impressaris grischuns

Anc adina betg terminada è l'inquisiziun cunter plirs impressaris grischuns pervia da cunvegnas nunlubidas. La CUMCO spetga las emprimas decisiun finalas questa stad.

RR novitads 11:00

Artitgels legids il pli savens