Grazia a la nova cunvegna en chaussa «collavuraziun dals dretgs da concurrenza» hajan ins pudì barattar effizientamamain infurmaziuns nua che quai saja fin ussa betg stà pussaivel, scriva la CUMCO. En quest connex numna ella tranter auter proceduras en il sectur da bancas, sco era la fusiun da General Electric ed Alstom Energy.
Potenzial vesa la CUMCO anc tar il barat da mussaments. Qua saja anc pussaivel da nizzegiar meglier las pussaivladads da la cunvegna. Cunzun il barat informal avant las inquisiziuns saja sa cumprovà.
La cunvegna da «collavuraziun dals dretgs da concurrenza» tranter la Svizra e l'UE è en vigur dapi l'emprim da december 2014.
RR novitads 16:00