Siglir tar il cuntegn

Header

Ina butiglietta da vaccin cunter covid-19 dal producent Moderna.
Legenda: Auter ch'il vaccin da Biontech e Pfizer tegn il vaccin da Moderna en ina normala frestgera. Er èn ils pachets pli pitschens e cumpiglian sulet 100 dosas. Keystone
cuntegn

Cumenzament acziun vaccinar Medis da chasa spetgan sin vaccin da Moderna

En Svizra han il glindesdi diesch ulteriurs chantuns lantschà l'acziun da vaccinar cunter corona – tranter quels er il Grischun. Però dettia il mument memia pauc med dal vaccin. Ed uschia na possian ins en blers chantuns betg pli far in termin per sa laschar dar il vaccin en in center.

Numerusas persunas sa drizzian perquai tar lur medis e lur medias da chasa, constatescha Philippe Luchsinger da l'associaziun dals medis da chasa. Là na saja quai però anc betg pussaivel da sa laschar vaccinar, sco el declera:

Ins spetgia enfin ch'il vaccin dal producider Moderna survegnia la lubientscha. Lura possian er medis e medias avair il vaccin sin reserva. Pertge quel vegnia pachetà en fracziuns da tschient dosas, e tegnia set dis en ina normala frestgera, ha Philippe Luchsinger declerà envers SRF.

En il Grischun survegnan l'emprim persunas en chasas d'attempads il vaccin. La gronda part da la populaziun dovra anc pazienza.

RTR novitads 17:00

Artitgels legids il pli savens

Scrollar a sanestra Scrollar a dretga