Siglir tar il cuntegn

Header

cuntegn

Svizra Cumissiun dal Cussegl naziunal vul preferientscha per indigens

La cumissiun per politica statala dal Cussegl naziunal vul realisar l'iniziativa d'immigraziun da massa cun dar preferientscha als indigens. Quai ha ella decidì cun 16 cunter 9 vuschs.

Il president da la cumissiun, il cusseglier naziunal grischun Heinz Brand, ha discurrì d'in cumpromiss. Quest cumpromiss saja acceptabel per la maioritad. La cumissiun ha tschernì ina furma main ferma da la precedenza per ils indigens. Quella consista or da trais pass:

  • il Cussegl federal preveda mesiras per trair a niz meglier il potenzial dals lavurers indigens
  • sche l'immigraziun surpassa ina tscherta limita duain ils patruns vegnir obligads d'annunziar lur plazzas libras per ch'ils posts d'intermediaziun da lavur regiunals sajan infurmads
  • sche questas duas mesiras na tanschan betg ed i dat problems socials ubain economics po il Cussegl federal prender mesiras spezialas en collavuraziun cun ina cumissiun da represchentants da la Svizra e da la UE

La cumissiun dal Cussegl naziunal na vul betg periclitar cun sia proposta las cunvegnas bilateralas cun l'UE. I saja stà cler davent da l'entschatta ch'ins na possia betg realisar l'iniziativa pled per pled.

RR novitads 12:00

Artitgels legids il pli savens