Siglir tar il cuntegn

Svizra Cumissiun è cunter rapport agrar 2022 dal Cussegl federal

Il Cussegl federal duai surlavurar ses rapport agrar 2022. Quai pretenda la cumissiun economica dal Cussegl naziunal.

Tractor sin in er.
Legenda: La cumissiun economica dal Cussegl naziunal n'è betg cuntenta cun il rapport agrar 2022 dal Cussegl federal. Keystone

Plirs aspects dal rapport davart la politica agrara duajan vegnir surlavurads. Vitiers giavischa la cumissiun economica dal Cussegl naziunal era ch'i vegnia discussiunà surlonder durant la sessiun da stad.

Tranter auter duai la valitaziun da la politica agrara actuala vegnir adattada. Quella na saja betg avunda precisa. Plinavant duajan vegnir resguardadas convenziuns da commerzi liber futuras ordaifer la proxima refurma agrara sco era il nov artitgel en la constituziun davart la segirtad da nutriment. Ed era la planisaziun da termins duai vegnir surlavurada.

Proposta dal Cussegl federal

Il Cussegl federal vul a lunga vista damain protecziun per l'agricultura svizra quai che pertutga imports. Ed in commerzi pli liber gidia l'economia svizra da pudair vender meglier lur products en l'exteriur, aveva il cussegl federal argumentà. Er il Cussegl naziunal duai pudair discussiunar davar la politica agrara. Quai na tanscha dentant betg a la cumissiun economica dal cussegl naziunal.

RR novitads 15:00