Siglir tar il cuntegn
cuntegn

Svizra Cumissiun parlamentara pretenda midada da strategia da la RUAG

La cumissiun da gestiun dal parlament naziunal na vul betg acceptar ch’il concern d’armament da la RUAG transferescha plazzas da lavur da regiuns periferas en ils centers ni en l'exteriur.

fabrica ruag cun logo e motto "together ahead"
Legenda: In toc d'ina racheta, il logo ed il motto da la RUAG "together ahead" vi da la parait da la halla a Turitg. Keystone

La cumissiun pretenda ch'il Cussegl federal fixeschia en las finamiras per la RUAG las cundiziuns per avair e salvar ils lieus da producziun era en las regiuns. Sco quai ch'ils servetschs parlamentars communitgeschan, duai il Cussegl federal era intervegnir cun mesiras per sustegnair las plazzas en regiuns periferas - ed en Svizra insumma.

RUAG aveva annunzià da serrar pliras producziuns

L'impuls per l'agir da la cumissiun ha dà la RUAG sezza cun annunziar da serrar la producziun a Brunnen (SZ) e transferir 110 plazzas a Turitg e Berna. Annunzià ha la RUAG era da serrar las producziuns a Hombrechtikon (ZH) e Mägenwil (AG). Là èn pertutgadas 160 plazzas.