Cumissiun sposta la decisiun da l’immigraziun

La realisaziun da l’iniziativa d’immigraziun da massa resta ina dira nusch. Fin uss ha la cumissiun d’instituziuns politicas dal Cussegl dals chantuns gia debattà trais sesidas. Votar vul la cumissiun alura glindesdi.

Ina da las chombras da cumissiun en la chasa federala. Bild in Lightbox öffnen.

Legenda da maletgs: Fin uss n'ha la cumissiun anc betg chattà la via co realisar l'iniziativa d'immigraziun da massa. Keystone

Era la cumissiun d’instituziun politicas dal Cussegl dals chantuns ha miserias da chattar in cumpromiss per la realisaziun da l’iniziativa d’immigraziun da massa. Il dilemma tranter la libra circulaziun da persunas ed l’artitgel d’immigraziun para dad esser insuperabel.

Fin uss trais rundas da discussiun

La cumissiun n’ha fin uss anc betg chattà in concept, ha ditg il president da la cumissiun Peter Föhn (PPS/SZ). Uschia vegnian quatter concepts discutads il mument. In pretenda da realisar l’iniziativa sco ella è scritta cun contingents e cun la preferenza d’indigens. Las propostas dal Cussegl federal van era en ina sumeglianta direcziun. Omaduas variantas n’èn betg cumpatiblas cun las cunvegnas cun l’Uniun europeica sur da la libra circulaziun da persunas .

Preferenza d’indigens light

La proposta dal Cussegl naziunal che quai dettia ina obligaziun d’annunziar plazzas libras, na stuess probabel betg temair da consequenzas. Ma tuttina n’eran ils represchentants da l’UE betg cuntents cun questa proposta.

RR novitads 18:00