Siglir tar il cuntegn

Header

Navigaziun

dus lufs fan termagls in cun l'auter
Legenda: Las cumissiuns dal parlament federal vulan schluccar la protecziun dal luf. Keystone
cuntegn

Svizra Cumissiun vul schluccar protecziun dal luf

La cumissiun d'ambient dal Cussegl dal chantuns è d'accord da schluccar la protecziun dal luf pli ferm che quai ch'il Cussegl federal propona. Suenter il Cussegl naziunal vul era la Urek che las autoritads dastgan lubir da sajettar lufs er senza ch'ils animals han fatg donns.

Permis da sajettar lufs duai esser tranter l'emprim da settember ed ils 31 da schaner. Er en quest punct suonda la Urek il Cussegl naziunal.

Nova decisiun davart il castur

Dispitaivel è anc sch'i duai er vegnì fixà en la lescha da regular l'effectiv da casturs. Atgnamain èn las duas chombras parlamentaras da l'avis che quai duai esser uschia. La cumissiun d'ambient dal Cussegl dals chantuns vul uss vegnir enavos sin quai e propona da stritgar il castur ord la lescha. Cussegl naziunal e Cussegl dals chantun pon anc ina giada tractar la dumonda sulet sche la cumissiun d'ambient dal Cussegl naziunal è d'accord.

Il Cussegl dals chantuns ha sper il castur oriundamain er vulì prender en la lescha il luf-tscherver. La cumissiun vul uss er qua suandar il Cussegl naziunal.

L'ultim pled en chapitel pudess lura avair il suveran svizzer. Las organisaziuns per la protecziun da la natira han annunzià in referendum.

RR novitads 15:00