Cumpareglià cun l’onn avant è la Svizra dentant ruschnada enavos per in plaz sin il 5avel plaz. Il pajais saja cunzunt uschè cumpetitiv pervi da sia populaziun fitg bain scolada e sauna, scrivan ils experts dal WEF. Valità negativamain vegn ch’i dovria dapli temp da fundar ina firma en Svizra ch’en auters pajais.
Legenda:
Singapur è tenor il rapport il pajais il pli cumpetitiv.
Keystone
A la testa da la rangaziun dal WEF hai dà ina midada: Il pajais il pli cumpetitiv è da nov Singapur e betg pli ils Stadis Unids che suondan sin il segund plaz.
Top 10 da la cumpetitivitad
| Plaz | Pajais | Midada en congual cun 2018 |
| 1. | Singapur | +1 plaz |
| 2. | Stadis Unids | -1 plaz |
| 3. | Hongkong | +4 plazs |
| 4. | Pajais Bass | +2 plazs |
| 5. | Svizra | -1 plaz |
| 6. | Giapun | -1 plaz |
| 7. | Germania | -4 plazs |
| 8. | Svezia | +1 plaz |
| 9. | Gronda Britannia | -1 plaz |
| 10. | Danemarc | – |
Sin ils ultims plazs sa chattan il Kongo, il Jemen ed il Tschad.
audio
Per tadlar curt e cumpact
ord Novitads dals 09.10.2019.
laschar ir. Durada: 59 Secundas.RR novitads 06:00