Siglir tar il cuntegn

Header

cuntegn

Cumportament cun periclitaders Arrest da chasa sco ultim med

Glieud che vegn suspectada da periclitar la populaziun cun acts terroristics duai pudair vegnir messa sut arrest da chasa. Il Cussegl federal ha deliberà ina lescha per mauns dal parlament.

La polizia duai avair dapli pussaivladads dad agir encunter terrorists pussaivels. Las mesiras fan part a la strategia per il cumbat encunter il terrorissem.

Las novas mesiras duain vegnir en funcziun, sch'ils indizis per avrir ina procedura penala na bastan betg. Latiers duai la lescha pussibilitar a las autoritads da controllar vinavant insatgi sch'el è vegnì relaschà ord praschun.

Da visitas tar la polizia fin tar l'arrest da chasa

Sch'ina persuna vala sco periclitader probabel po la polizia prescriver a quella per exempel visitas regularas tar la polizia. Era po vegnir scumandà a la persuna dad ir en divers territoris ha declerà la ministra da gustia e polizia Karin Keller-Sutter.

Sche la persuna cuntrafà a quellas mesiras duai era esser pussaivel da metter la persuna en arrest da chasa u da scumandar ad ella da bandunar il pajais, il pass vegniss confiscà.

En Svizra vegnan in pèr dunsainas persunas valitadas sco periclitaders potenzials.

RR novitads 16:00