Siglir tar il cuntegn

Header

audio
Schnepli rut u engulà – tge pretsch vala per segiranza?
Or da Actualitad dals 26.11.2021.
abspielen. Laufzeit 4 minutas 9 Sekunden.
cuntegn

Cumprà in schneppli Tge sche quai che jau cumprel vegn engulà u donnegià?

Gronds rabats e tut è pli bunmartgà – durant il «Black Friday» vegn cumprà e cumprà. Ma tge sch'ins cumpra insatge custaivel pli bunmartgà e quai vegn lura engulà u donnegià?

Tge assicuranza surpiglia tge?

Tgi che ha en sia assicuranza per rauba da chasa era ina per ladernitsch, na sto en ein tal cas betg far quitads. L'assicuranza per rauba da chasa paja lura per regla tant sco quai ch'i custass la persuna da puspè cumprar il medem product. Las bleras assicuranzas per rauba da chasa han dentant ina quota persunala e tut tenor polissa vegn ina summa maximala surpigliada. Sche quai ch'ins ha cumprà vegn donnegià dad ina autra persuna lura surpiglia l'assicuranza da responsabladad. Lezza surpiglia dentant be la valur actuala. Sch'ins cumpra per insatge pli custaivel, u era sch'ins erta u survegn schanghegià insatge, po in'assicuranza per objects da valur far senn. Cunzunt lura cura che il product è pli custaivel che la summa maximala da l'assicuranza per rauba da chasa.

E la quittanza?

Per esser sin la vart segira, pon ins dumandar il vendider u la vendidra dad era inditgar il pretsch original sin la quittanza e betg be il pretsch da cumpra. I fa senn da tegnair si la quittanza ensemen cun ils documents da segirada. Impurtant è era ch'ins ha l'indicaziun exacta da tge product ch'i sa tracta. Era ina fotografia dal product po en in cas nua ch'i dovra la segirada esser d'avantatg.

RTR actualitad

Artitgels legids il pli savens

Scrollar a sanestra Scrollar a dretga