Siglir tar il cuntegn

Svizra Cumprar insatge auter empè da rachetas da defensiun da l'aria

Il project per in sistem da defensiun BODLUV 2020 è sistì e l’armada na po cumprar naginas novas rachetas per defender l’aria cun il program d’armament 2017. Tuttina vul il Cussegl federal dar or ils daners ch’eran previs per il project.

L'armada svizra na po betg cumprar novas rachetas per la defensiun suenter ch'il project per in sistem da defensiun BODLUV è vegnì sistì. Quai vul il Cussegl federal uss midar. Ils 700 milliuns francs ch'en stads previs per il project duain tuttina pudair vegnir duvrads.

Tenor il Cussegl federal vegn la planisaziun d'armaziun adattada. En sia resposta sin ina moziun ord dal Cussegl dals chantuns fa el allusiun al proceder suenter il na a la cumpra dal Gripen. Lura aveva’ins cumprà anticipadamain tschertas chaussas d'armaziun cun daners ch'eran vegnids libers.

RR novitads 15:00