Siglir tar il cuntegn

Header

audio
Shops da China: il privel d'in portal sco Temu
Or da Actualitad dals 23.01.2024. Maletg: RTR
laschar ir. Durada: 3 minutas 14 Secundas.
cuntegn

Cumprar online Temu: ina plattafurma da surconsumaziun

Plattafurmas sco Temu u er Shein paran da crescher sco bulieus or da la terra. Il consum spert e nuncumplitgà promova la surconsumaziun.

La plattafurma chinaisa Temu venda dal tut: products per cuschinar, products electronics u er vestgadira. E quai en massa e per pretschs fitg favuraivels. La critica envers il surconsum vegn adina pli ferma.

Clientella digital affina

La clientella da Temu e da plattafurmas sumegliantas èn persunas plitost giuvnas ch'èn gia affinas quai che pertutga il cumprar via la rait. Quai di Johanna Gollnhofer, scienziada d'economia da l'Universitad Son Gagl, envers SRF.

Online Shopping
Legenda: Plattafurmas sco Temu ubain Shein fan als clients fitg simpel da cumprar adina dapli. Keystone

Clera strategia

La strategia da vendita da Temu è clera: «Discovery Commerce». Translatà munta quai «Commerzi da scuvrir». Temu preschenta adina puspè novs products ch'avessan da svegliar interess tar il cumprader u la cumpradra.

Quella offerta prest infinita da products animeschia a surconsumaziun, declera David Hachfeld da l'organisaziun betg guvernamentala Public eye envers SRF.

Il consum da bittar davent è ord vista ecologica fitg problematic.
Autur: David Hachfeld Public Eye

Er las cundiziuns da lavur tar ils affars da producziun sajan fitg nauschas. Tar pretschs uschè favuraivels na giaja quai er betg auter.

RTR actualitad 11:00

Artitgels legids il pli savens