Siglir tar il cuntegn

Header

cuntegn

Cumpras online In quart dapli pachets il 2020

La Posta Svizra ha zavrà e transportà 182,7 milliuns pachets l'onn passà.

En tut hajan las collavuraturas ed ils collavuraturs da la posta sortì e transportà 182,7 milliuns pachets. Cumpareglià cun l’onn avant èn quai prest in quart dapli, scriva la Posta Svizra. La raschun per quest grond augment saja natiralmain il coronavirus e las mesiras da protecziun cun las bleras stizuns serradas e la lavur da chasa.

Ils blers pachets sajan stads ina sfida ch'ins haja pudì dumagnar be grazia a l’engaschi da las collavuraturas e dals collavuraturs, hai num da vart da la posta. Els hajan creà prest 500 plazzas novas ed engaschà circa 800 lavurers a temp parzial. Ultra da quai hajan els investì 190 milliuns francs en l’infrastructura. Cun quai ch'ella spetgia era ils proxims onns in boom tar ils pachets vul la Posta Svizra fin il 2030 construir novs centers da zavrada.

audio
Per tadlar: curt e cumpact
ord RTR Audio dals 19.01.2021.
laschar ir. Durada: 1 minuta 9 Secundas.

Ord l'archiv

Il cumbat da la posta cun ils paquets durant il temp da Nadal.

video
Center da pachets a Vaz Sut
Or da Telesguard dals 17.12.2020.
laschar ir. Durada: 3 minutas 43 Secundas.

RTR novitads 12:00;

Artitgels legids il pli savens