Siglir tar il cuntegn

Header

Navigaziun

Legenda: Tadlar il audio Mezdi: Congedi da paternitad. Durada 04:01 minutas.
Or da Actualitad dals 20.06.2019.
cuntegn

Cumpromiss Cussegl dals chantuns vul mo 2 emnas congedi da paternitad

Il Cussegl dals chantuns è sa decidì per duas emnas congedi da paternitad. Cunquai suonda el a la cuntraproposta da l'iniziativa. L'iniziativa dal pievel – che pretenda quatter emnas congedi da paternitad – refusa el.

La chombra pitschna è uschia sa decidida per il cumpromiss da sia cumissiun e cunter l'iniziativa dal pievel che vul quatter emnas congedi da paternitad. Las duas emnas duain ils babs pudair retrair entaifer ils emprims sis mais suenter la naschientscha da l'uffant. Quai en in bloc u er mintgamai en dis singuls.

Il Cussegl dals chantuns quinta cun custs annuals da 224 milliuns francs. Cun augmentar levet las deducziuns tar las pajas veglian ins finanziar tals custs.

Il Cussegl federal sco er organisaziuns da l'economia eran cunter fixar in congedi da paternitad en la lescha. Cunzunt fatschentas pitschnas e mesaunas pudessan avair problems organisatorics, sch'ils babs manchian, uschia l'argumentaziun.

RR novitads 12:00