La maioritad necessaria da 18 chantuns ha approvà in cumpromiss da la conferenza da las regenzas dals chantuns. Quel prevesa da sbassar las contribuziuns dals chantuns donaturs per 67 milluns francs. Quai ha ditg il secretariat da la conferenza vers l'agentura da novitads sda - ed uschia confermà rapports da medias.
Chantuns -67 milliuns, Confederaziun -98 milliuns
Concret propona la conferenza da las regenzas dals chantuns da reducir las contribuziuns a la gulivaziun da finanzas per total 165 milliuns francs ils proxims 3 onns. Il Cussegl federal vuleva reducir anc pli fitg - quasi per il dubel. La contribuziun da la Confederaziun duai vegnir reducida per 98 milliuns francs.
Parlament decida la stad
Previs èsi che las chombras federalas tractian la proposta en la sessiun da stad. Sche quest cumpromiss na gida betg a schliar las differenzas en il parlament federal, lura restassia il conclus federal actual en vigur per ulteriurs 2 onns.
RR novitads 14:00