Svizra - Cun cundiziuns - 2. sez per la PPS en il cussegl federal
Il president da la PLD Svizra, Philipp Müller po s'imaginar in segund commember da la PPS en la regenza svizra. El tschenta dentant cundiziuns a la PPS.
Sco quai che Müller ha ditg a la «SonntagsZeitung», stoppia in candidat sustegnair ils contracts bilaterals cun l'UE e la convenziun dals dretgs umans. Uschiglio na saja el betg elegibel per la PLD, uschia Müller. Ils contracts bilaterals cun l’UE sajan ina part centrala ed or da sia vista indesistibla da la politica da l’exteriur da la Svizra, uschia il president da la PLD.
