A la natira en Svizra na vai betg bain, quai pretendan ils iniziants a Berna. La cuntrada è vegnida betunada. Impurtant spazi da viver è en privel da svanir e cun quai era spezias d'animals e spezias da plantas.
Iniziativa dubla duai proteger la natira
Pro Natura, BirdLife Svizra e la Lia svizra per la protecziun da la patria han perquai lantschà ensemen in’iniziativa dubla. D'ina vart l’iniziativa da biodiversitad «Per il futur da nossa natira e cuntrada» e da l’autra vart l’iniziativa «Cunter la surbajegiada da nossa cuntrada».
Ils iniziants han uss temp fin ils 26 da settember 2020 per rimnar las 100’000 suttascripziuns necessarias.
RR novitads 12:00