Siglir tar il cuntegn

Header

cuntegn

Cunfin a Buchs Autoritads han registrà dapli fugitivs ch'entran illegalmain

Dapi il fanadur han las autoritads registrà 2'500 arrivadas – cunzunt umens giuvens da l'Afganistan sajan tranter quels. Uschia han las autoritads dal chantun Sogn Gagl infurmà oz, la situaziun saja ina sfida e pretendia novas mesiras.

A la staziun da cunfin a Buchs en il chantun Sogn Gagl, entran adina dapli persunas illegalmain il pajais. Mesemna avantmezdi han las autoritads nudà stgars 40 persunas ch'èn arrivadas illegalmain. Cunzunt fugitivs ord l'Afganistan vegnian savens cun tren da Vienna a Buchs. Blers dad els sajan en in proceder d'asil en l'Austria, ma hajan la finamira d'ir en Frantscha ubain la Gronda Britannia. Manar enavos las persunas è tenor la Polizia chantunala da Sogn Gagl ina gronda sfida. Savens svaneschian ils fugitivs avant che lur cas pon vegnir concludids birocraticamain. Per meglierar questa procedura, duai dar il december a Buchs in nov center.

Dumber ha prendì tiers andetgamain

Entradas illegalas a la staziun da Buchs hajan prendì tiers. Dapi il fanadur han las autoritads dumbrà 2'500 persunas, savens umens giuvens e giuvenils minorens. Per las autoritads saja quai ina gronda sfida, ha ditg il minister da giustia dal chantun Sogn Gagl Fredy Fässler. Auter che durant l'unda da fugitivs il 2015 haja strusch famiglias che veglian entrar.

Ord l'archiv

Suenter che las autoritads da Laax eran sa riscudidas cunter in center d'asil, èn ils emprims fugitivs arrivads a Laax il 2015. Ils Cuntrasts mussan la situaziun:

RTR novitads 14:00

Artitgels legids il pli savens

Scrollar a sanestra Scrollar a dretga