La regenza tessinaisa supplitgescha il Cussegl federal da far controllas sistematicas al cunfin dal sid. Il traffic da cunfin actual surpassia il dumber usità dal traffic professiunal, scriva la regenza en ina communicaziun.
Er sche la situaziun epidemologica saja sa meglierada en il Tessin, saja la regenza inquietada. Quità fetschia surtut la mutaziun britannica dal coronavirus, scriva la regenza. Quella è vegnida confermada en il Tessin l'emprim en ina chasa d'attempads e lura en ina scola media.