Cun agid da cameras surveglieschan la polizia e la guardia da cunfin las vias. Quels maletgs vegnan adina pli savens evaluads automaticamain – per exempel cun agid dals numers d'auto.
La guardia da cunfin ha dublegià il dumber da questas cameras ils ultims diesch onns sin 400. Quai scriva il Cussegl federal en la resposta sin ina dumonda dal parlament. La «NZZ» ha rapportà sco emprima.
La regenza examinescha uss d'avrir il sistem per partenaris europeics. Tar in crim saja uschia pussaivel da barattar las datas da persunas cun auters pajais, di l'incumbensà federal per la protecziun da datas e per la publicitad, Adrian Lobsiger.
