Avant duas emnas ha il parlament decidì da sustegnair Frontex cun 61 enstagl 14 milliuns francs per onn. La decisiun è stada fetg stretga cun 88 vuschs per e 80 vuschs cunter l'augment. 28 cussegliers u cusseglieras naziunalas èn s'abstegnids.
L'organisaziun è cunter l'auzament perquai che quel accelereschia sgols d'expulsiun da sforz e serria anc pli fetg ils cunfins da l'UE. L'UE engrondescha dapi 2016 la Frontex cun dapli persunal ed equipament tecnic per facilitar las incumbensas da repatriaziun e protecziun dals cunfins. La svizra sto sa participar a la finanziaziun da Frontex, perquai che quella è part dal svilup da Schengen.
Il referendum dovra 50'000 vuschs fin ils 20 da schaner 2022.