Cun il motto «Nua ch’i stat scrit si posta, duai era esser en posta» vulan ils manischunzs mobilisar ils ulteriurs collavuraturs da l’interpresa. Quai communitgescha il sindicat Syndicom suenter l’inscunter dals manischunzs da camiuns da la posta ad Olten.
La posta duai reponderar lur plans
Dals plans da la posta da surdar ils transports da sur 3,5 tonnas ad interpresas estras en 187 manischunzs pertutgads. Ils manischunzs pretendan uss che la posta repondereschia anc ina giada quests plans.
RR novitads 18:00