Siglir tar il cuntegn

Header

Pendiculara dal Rigi.
Legenda: Ensi: La svieuta è creschida per passa 17 % sin radund 21,3 milliuns francs, il gudogn per 28,8% sin 5,7 milliuns. Pendicularas Rigi
cuntegn

Svizra Cunter il trend – pendicularas dal Rigi cun dapli visitaders

Entant che la stagiun d'enviern è stada fitg difficila per bleras destinaziuns svizras nodan las pendicularas dal Rigi in resultat da record. La raschun saja ch'il dumber da visitaders è creschì per radund 20% sin 785’000, scrivan las pendicularas en il chantun Lucerna.

Ins haja surtut nudà numerusas novas gruppas da giasts da la China, la Corea e l'America dal sid. Plinavant sajan dapli turists individuals vegnids sin il Rigi, uschia las pendicularas. E perquai che l’aura saja en media stada fitg buna, hajan ins era nudà dapli giasts svizzers sin il Rigi.

Prognosas optimisticas per rest da l'onn

La cumpart dals visitaders da l’exteriur munta a radund 20%. Ina finamira da las pendicularas èsi d’auzar questa quota sin 30%.

Er per l’onn current quintan las pendicularas dal Rigi cun in bun resultat. L’onn n’haja bain betg cumenzà a moda surprendenta, quai pervi che las cundiziuns da l’aura e da naiv na sajan betg stadas bunas. Ed ils giasts internaziunals hajan reagì cun retegnientscha sin l’economia labila e sin il privel da terrorissem.

RR novitads 10:00

sda/alb

Artitgels legì il pli savens

Nach links scrollen Nach rechts scrollen