Clamà a las demonstraziuns han 20 organisaziuns - tranter auter l’organisaziun da l’ambient Greenpeace, plirs sindicats, la Partida social democratica ed ils Verds. Las organisaziuns vulan, che las tractativas vegnian interruttas.
«Concerns profiteschan, umans perdan»
Il mund na dovria betg dapli commerzi ma in commerzi pli fair, appelleschan participantas e participants en ina resoluziun. Il mund duai pudair profitar dad auts standards en ils secturs dad ambient e social esser e na betg dad ina deregulaziun cuntinuanta a disfavur dals umans.
TISA e TTIP
La cunvegna TISA (da l’englais Trade in Services Agrreement) vul liberalisar ils servetschs en tut il mund. Tar quellas tractativas è era la Svizra da la partida. La cunvegna TTIP (da l’englais Transatlantic Trade and Investment Partnership) da sia vart vegn tractada tranter ils Stadis Unids e l’Uniun europeica.
Critichers teman dentant consequenzas vastas era per la Svizra. Cun TTIP smanatschia ina dictatura da concerns che sutmineschia structuras democraticas ed il stadi da dretg.
RR novitads 17:00