Siglir tar il cuntegn

Header

Navigaziun

Scolaras e scolasta concentrada en scola.
Legenda: Mintg'onn prestan scolastas e scolasts radund 250 sururas nunpajadas – quai correspunda a 6 emnas da lavur. Keystone
cuntegn

Svizra Cuntrari al clisché – Scolasts cumbatten cunter sururas

In pensum da 100% na saja strusch pli da prestar pervi da pensums supplementars e nova materia d'instrucziun, scriva l'associaziun tetgala svizra da scolastas e scolasts. En consequenza reduceschian scolastas e scolasts savens e lavurian be parzial – sco i para però be sin il palpiri.

Cunzunt persunas che lavurian parzial stoppian far sururas per dar dumogn a lur pensums. Il surpli da lavur da persunas che lavurian parzial muntia a 22%, communitgescha l'associaziun. Vitiers vegnia che scolastas e scolasts dettian en Svizra las pli bleras lecziuns per emna, cumpareglià cun tuttas auters pajas da l'OECD, constatescha Beat Zemp, il president da l'associaziun.

L'associaziun tetgala svizra pretenda perquai che scolastas e scolast vegnia distgargiads e che las sururas vegnian pajadas. Las sururas nunpajadas hajan ina valita da plirs 100 milliuns francs.

Per la terza giada ha l'associaziun analisà il temp da lavur da passa 10'000 scolastas e scolasts.

RR novitads 17:00