Il contract da lavur per nettegiunzas, mattas per ils uffants ed agids da chasa duai vegnir prolungà e la paja minimala duai vegnir augmentada. La consultaziun è a fin e crititgà vegn l'adattaziun da la paja.
Per la federaziun dals patruns e l'uniun d'artisanadi e mastergn è l'augment da 1,9% memia grond. Las duas organisaziun renvieschan al svilup actual en lur branschas, spezialmain en la gastronomia.
Ils sindicats perencunter beneventan l'adattziun da la paja minimala sin 22 francs l'ura e l'introducziun d'ina 13avla paja.
Per persunas senza emprendissadi vala da nov ina paja minimala da 18.90 francs l'ura. Ina emploiada da chasa cun emprendissadi po quintar cun 22.85 francs l'ura.
RR novitads 09:00