Interpresas svizras hajan adina dapli problems sin il martgà d’energia europeic, ha Revaz ditg en la 'Samstagsrundschau' da radio SRF. La Svizra na saja betg pli represchentada en tscherts gremis, quai che fetschia donn a la segirtad dal provediment electric en Svizra.
Plinavant ha Revaz menziunà da vulair liberalisar la fiera d'electricitad dal tuttafatg. Per che la Svizra vegnia sin la dretga via, stoppia ella metter dapli paisa sin models che favuriseschian ils martgads.
RR novitads 14:00