Siglir tar il cuntegn

Header

Legenda: L'anteriur cusseglier federal durant l'inscunter da l'Acziun per ina Svizra independenta e neutrala. Keystone
cuntegn

Cunvegna da basa Blocher vul puspè prender si il cumbat

L'anteriur cusseglier federal Christoph Blocher ha puspè lantschà il cumbat – el veglia sa dustar cunter ina nova cunvegna da basa tranter la Svizra e l'Uniun Europeica. Ensemen cun l'Acziun per ina Svizra independenta e neutrala vul el unir las forzas per quest cumbat.

Latiers ha el appellà a la AUNS da fusiunar cun il comité EU-No, per daventar pli ferm. Sco confundatur e president da plirs onns en las organisaziun enconuschia el las fermezzas e flaivlezzas dad omaduas, ha ditg l'anteriur cusseglier federal da la PPS la sonda durant l'inscunter da la ASIN. Il comité EU-No, ch'è vegnì fundà il 2013, haja ademplì sias finamiras, ha ditg Blocher – l'ASIN perencunter betg. Sch'ins guardia sulettamain objectiv sin la chaussa stoppia l'ASIN realisar, ch'ella sezza na possia betg gudagnar ina votaziun.

«Nagin privel per il mument»

Il privel per ina colliaziun instituziunala envers l'Uniun Europeica n'existia betg en il mument, sparì na saja quel dentant betg, uschia Blocher. Il matg aveva il Cussegl federal interrut las contractivas davart la cunvegna da basa.

Nus avain cuntanschì ina victoria d'etappa
Autur: Christoph Blocher Anteriur cusseglier federal

Malgrà che la cunvegna ha fatg naufragi dettia bleras persunas a Berna che veglian tuttina sa liar e s'obligar a l'Uniun Europeica, uschia Blocher vinavant.

RTR novitads 12:00

Artitgels legids il pli savens

Scrollar a sanestra Scrollar a dretga