A Brüssel ha il cusseglier federal Ignazio Cassis confermà la voluntad da la Svizra da cuntanscher ina cunvegna cun l'Uniun europeica. Ils discurs cun l'UE duain ir a fin cun in success ha Cassis ditg en il rom d'in inscunter cun il vicepresident da la cumissiun da l’UE, Maros Sefcovic.
Il discurs da radund in'ura è stà sut quatter egls. Ils dus politichers hajan era discussiunà ils progress sin stgalim tecnic e diplomatic, scriva il Departament federal d’affars exteriurs. Vitiers las dumondas anc avertas, ed ils pass che sajan da sclerir ils proxims mais.
