Suenter avair rut giu las contractivas cun l'UE na vul il Cussegl federal betg reagir cun cuntramesiras sin acziuns penalas pussaivlas da l'Uniun Europeica. Il president da la Confederaziun metta sin deescalaziun. Tals gieus na tutgian betg a la politica dal Cussegl federal, ha ditg Guy Parmelin en l'intervista cun la gasetta «NZZ am Sonntag». L'Uniun Europeica donnegia sa sezza sche la torpedescha las relaziuns commerzialas cun la Svizra.
Sche l'UE refusia per exempel a la Svizra da sa participar al program da perscrutaziun «Horizon» lura flaivlentia quai l'entira Europa sco lieu da perscrutaziun envers l'Asia u ils Stadis Unids. Ina buna relaziun saja er en l'interess da l'UE. Parmelin ha sincerà ch'il Cussegl federal na reageschia betg cun cuntramesiras sin manevers pussaivels da Brüssel.