La Svizra e la Sri Lanka han fatg ina cunvegna da migraziun. La ministra da giustia Simonetta Sommaruga ed il minister da l'intern da la Sri Lanka, Seeviratre Bandara Nawinne, han suttascrit il document a Colombo.
La cunvegna da migraziun reglescha tranter auter la repatriaziun da burgais da la Sri Lanka. Tenor Sommaruga francheschia il contract sulet la pratica vertenta, i saja las formalitads co las repatriaziuns vegnan fatgas. Durant la guerra civila en la Sri Lanka dal 1983 fin il 2009 han blers Tamils dumandà asil en la Svizra.
