La cunvegna da migraziun da l’ONU sparta il parlament. La Cumissiun per la politica exteriura dal Cussegl naziunal APK recumonda da suttascriver la cunvegna. La decisiun è crudada cun 14 cunter 10 vuschs tar in’abstenziun. Quai ha communitgà la presidenta da la cumissiun, Elisabeth Schneider-Schneiter.
Ina maioritad da la cumissiun saja persvadida ch’il problem global da la migraziun possia be vegnir schlià sin stgalim internaziunal. Ordavant era la Cumissiun d’instituziuns politicas dal Cussegl naziunal s’exprimida cunter la cunvegna.
La cunvegna vegn suttascritta il december en il Maroc. Il Cussegl federal vul approvar la cunvegna.
RR novitads 06:00