- Ils cunfins tranter la Svizra, la Frantscha, l'Austria e la Germania avran a partir dals 15 da zercladur.
- Il cunfin cun l'Italia resta dentant vinavant serrà.
- Per pèrs maridads ch'èn actualmain separads tras il cunfin duai dar tant pli spert ina schliaziun.
La Svizra vul avrir ils cunfins cun la Germania, l'Austria e la Frantscha a partir dals 15 da zercladur. Premissa saja che la situaziun da la pandemia lubeschia quai, ha ditg la ministra da giustia Karin Keller-Sutter. Ils detagls vul il Cussegl federal eruir ils 27 da matg a chaschun da sia sesida.
Cura ch'il cunfin cun l'Italia po vegnir avert, n'è anc betg cler. En l'Italia sa preschentia la situaziun anc auter ch'en Svizra, la Germania e l'Austria. Er dettia entaifer da l'Italia anc restricziuns da sa mover.
Er n'èsi anc betg decis, cura ch'ils cunfins duajan avrir per ulteriurs pajais dal spazi Schengen ed auters.
Entant duaja er dà schliaziuns en favur da pèrs betg maridads che na pon il mument betg esser ensemen, perquai ch'ils cunfins èn serrads. Il Secretariat da stadi per la migraziun vegnia ad infurmar en quest reguard tant pli spert, ha communitgà la Confederaziun.
Da far cumpras en l'exteriur è però enfin ils 15 da zercladur anc scumandà.
