En Svizra s’augmenta il dumber da rapinaments d’uffants tras in genitur dapi diesch onns. Ina da las raschuns per quest trend sajan las maridaglias binaziunalas. Quai rapporta la gasetta «Le Matin Dimanche» che sa basa sin datas da l’Uffizi federal da giustia.
Dumondas sa dubegliadas aifer 10 onns
Il 2011 haja la Svizra drizzà 35 dumondas da returnar uffants a stadis ch’hajan er suttascrit la Convenziun da Den Haag per la protecziun d’uffants e da creschids. Il 2021 saja quest dumber s’augmentà sin 68 dumondas.
En trais da quatter cas èsi las mammas
Tar conflicts da famiglias e divorzis da pèrs cun partenaris da l’ester capitia ch’in genitur veglia turnar en sia patria e prender cun ils uffants communabels. En trais da quatter cas rapineschian las mammas lur uffants.
Las cifras mussan dentant mo ina part da la tragedia, numnadamain cas, nua ch’in uffant è vegnì rapinà en in pajais ch’ha suttascrit la convenziun. Quai èn actualmain var 100 pajais en tut il mund.
Or da l'archiv