Siglir tar il cuntegn

Header

cuntegn

Cura vegn pajà? Donaziuns sa focusseschan cunzunt sin crisas

Sch'i dat crisas èn Svizras e Svizzers pronts da far donaziuns – malgrà ch'ils custs da viver creschan.

La Caritas, la Chadaina da fortuna e la Crusch Cotschna han registrà il 2022 donaziuns da record per l'Ucraina. Er en connex cun il terratrembel en Tirchia e Siria èn Svizras e Svizzers stads pronts da far donaziuns. Questa solidaritad va dentant sin donn e cust dad autras instituziuns. Uschia ha per exempel la Telethon – che sustegna persunas cun raras malsognas geneticas – registrà l'onn passà 30% damain donaziuns. La reducziun da las donaziuns per la collavuraziun a lunga vista inquietescha la branscha.

Records en temp da crisas

Guerras e crisas survegnan gronda attenziun en las medias. Perquai saja pussaivel che donaturas dattan plitost daners en quests cas e desistan da dar daners per auters scopos ch'èn pli pauc en il focus. Cunquai ch'ils custs da viver creschan, vegnia guarda pli exact nua dar ils daners.

Diversas organisaziuns d'agid che rimnan daners han ils ultims onns rimnà uschè bler sco anc mai, cunzunt il 2022 cura che la guerra en l'Ucraina ha cumenzà.

Caritas Chadaina da fortuna Crusch cotschna Helvetas
2023 (stimaziun) 30 milliuns 45 milliuns
2022 44,8 milliuns 134 milliuns 80 milliuns 45,6 milliuns
2021 28,4 milliuns 30 milliuns 43,3 milliuns

Or da l'archiv

Da curt ha la Chadaina da Fortuna fatg in di da rimnada.

video
Furmaziun per tuts: Chadaina da Fortuna rimna daners per giuvenils ed uffants
Or da Telesguard dals 21.12.2023.
laschar ir. Durada: 4 minutas 54 Secundas.

RTR novitads 12:00

Artitgels legids il pli savens