Siglir tar il cuntegn

Header

Euros e francs sin ina stadaira.
Legenda: Tschintg onns suenter l'annullaziun dal curs minimal da l'euro, è la situaziun anc adina tendida per las firmas svizras. Keystone
cuntegn

Curs minimal da l'euro La concurrenza sin il martgà europeic è restrenschida

Interpresas svizras pateschan era tschintg onns suenter ch'il curs minimal dal franc envers l’euro è abolì. Quai mussa ina retschertga dal KOF, l'Institut da perscrutaziun da la conjunctura da l’ETH Turitg.

Var la mesadad da las interpresas ch'èn activas sin nivel europeic pateschan tenor la retschertga dal curs minimal. Surtut sajan las capacitads da concurrenza restrenschidas. Dus terzs da las firmas valiteschan percunter la situaziun da concurrenza en Svizra semeglionta a la situaziun d'avant tschintg onns.

En general meglra situaziun per interpresas

En general è la situaziun per las interpresas svizras levamain sa meglierada l'entschatta da quest onn. Quai vala per tut las branschas. Suletta excepziun restan las assicuranzas. Tar quellas è la situaziun levamain vegnida pli schletta cumpareglià cun il mais avant. Melgier vai surtut cun las interpresas da construcziun, il commerzi en detagl sco era cun ils ulteriurs purschiders da servetschs.

Per las duas retschertgas è la KOF sa basada sin las respostas da passa 4'500 interpresas da differentas branschas.

Per tadlar curt e cumpact:

RTR novitads 12:00

Dapli da Svizraavrir la Landingpage

Nach links scrollen Nach rechts scrollen