Ils curs obligatoris federals per possessurs da chauns fineschan la fin da quest onn. Suenter ch’il parlament aveva decis d’abolir ils curs obligatorics ha il Cussegl federal en la sesida dals 23 da november 2016 decis da realisar la mesira, quai scriva la chanzlia federala. Ils chantuns pon percunter vinavant pretender tals curs per possessurs da chauns.
Curs voluntaris fan senn
Il Cussegl federal è da l’avis che curs voluntaris per chauns, oravant tut per persunas che han per l’emprima giada in chaun, fan senn. Tenor ina evaluaziun ha la scolaziun da chauns SKN chattà tar l’uffzi da veterinaris sco era tar ils possessurs da chauns in eco positiv.
RR novitads 11:00