Ils cussegliers naziunals han fatg la sonda buna reclama per la Svizra sco naziun da skis. A Tavau han il Turitgais Jürg Stahl e la Lucernaisa Andrea Gmür gudagnà la 62avla cursa da parlamentaris svizzers e britannics. Stahl è per la quarta giada en roda victur da questa cursa ch'ha gì lieu sin il Parsenn. Il Grischunais Duri Campell è daventà segund ed il Turitgais Thomas Weibel terz. Meglier temp dal di ha l'ambassadur svizzer a Londra, Alexandre Fasel, fatg sco percursur. Henry Smith è sco otgavel arrivà sco emprim dals parlamentaris britannics en l'arriv.
En tut han 22 parlamentarias e parlamentaris fatg part da la cursa da skis tradiziunala. La cursa da slalom gigant vala sco il punct culminant da l'emna da skis dals parlamentaris da la Svizra e la Gronda Britannia. En il center da l'eveniment stattan mintgamai la tgira da contacts sco er discussiuns politicas.
RR novitads 18:00