Siglir tar il cuntegn

Svizra Cussegl central islamic en mira da la Procura publica federala

Il procuratur general da la Confederaziun, Michael Lauber, investighescha tenor atgnas indicaziuns cunter ils manaders da l’organisaziun radicala ‘Cussegl central islamic da la Svizra’.

Qaasim Illi e Nicolas Blancho dal 'Cussegl central islamic da la Svizra'.
Legenda: Qaasim Illi (dretg) e Nicolas Blancho durant in’occurrenza la primavaira 2016. Keystone

Lauber vul purtar plant cunter il president Nicolas Blancho e cunter il commember da suprastanza Qaasim Illi, els duain sa responsar per in video dispitaivel da la Siria che la gruppaziun ha publitgà il november 2015. Dapi il december 2015 datti en quest connex gia ina procedura cunter in ulteriur commember da la suprastanza dal cussegl central, Naim Cherni.

Cas cun auta prioritad

El veglia savair quant lunsch che la libertad da s’exprimer giaja, e davent da tge punct ch’i sa tractia da propaganda chastiabla per in’organisaziun terroristica. Quai ha il procuratur general da la Confederaziun Michael Lauber ditg en in’intervista cun la gasetta ‘Neue Zürcher Zeitung’. Il cas haja auta prioritad, el speria da pudair accusar ils dus umens l’onn che vegn tar il Tribunal penal federal.

RR novitads 06:00