Siglir tar il cuntegn

Header

vista sin il bajetg da la universitad da Basilea
Legenda: Las universitads duain survegnir pli autas contribuziuns da basa. Keystone
cuntegn

Cussegl dals chantuns 100 milliuns francs dapli per furmaziun

Radund 100 milliuns francs dapli vul il cussegl dals chantuns impunder l'auter onn per la furmaziun. Sco emprima chombra parlamentara ha el tractà il preventiv. El ha approvà otg dumondas cun ina summa totala da 99,1 milliuns francs.

Il pli dispitaivel èn ulteriurs 30 milliuns francs per la sparta da l'ETH sco era contribuziuns da basa pli autas per las universitads e las scolas autas spezialisadas. Il minister da finanzas Ueli Maurer è stà cunter in augment per la scolaziun.

122 milliuns francs dapli

Cun 41 cunter 0 vuschs ha il Cussegl dals chantuns approvà il preventiv 2020. En total ha el approvà expensas supplementaras da 122 milliuns francs. La gronda part da quai va, sco gia menziunà, en la sparta furmaziun. Il preventiv federal prevesa uschia entradas da 75,666 milliardas francs ed expensas da 75,333 milliardas, pia in surpli da 313 milliuns francs. En la versiun dal Cussegl federal era il surpli d'entradas sin 435 milliuns francs.

RTR novitads 14:00