Siglir tar il cuntegn

Header

cuntegn

Cussegl dals chantuns Abolir l’imposiziun da taglias sin l'atgna locaziun

Ina stgarsa maioritad en il Cussegl dals chantuns vul abolir l’imposiziun da taglias sin l'atgna locaziun. La chombra pitschna ha ditg Gea ad ina midada dal sistem cun 20:17 vuschs. Uschia duessan persunas che vivan en l'atgna chasa betg pli stuair pajar taglias sin la valur da l'atgna locaziun – ni sin nivel chantunal ni federal. Divergent dal Cussegl federal na duess quai dentant betg valair per abitaziuns secundaras, er sche quellas vegnian nizzegiadas sez.

La valur da l'atgna locaziun na vegn betg chapida.
Autur: Pirmin Bischoff (AdC) commember da la cummissiun economica dal Cussegl dals chantuns

Cun abolir l'imposiziun da taglias sin l'atgna locaziun sclereschian ins il sistem da taglia, di Roberto Zanetti da la Partida socialdemocratica. El è dentant il sulet da sia partida che vesa quai uschia. Paul Rechsteiner argumentescha che questa taglia procuria per gistadad tranter possessurs da chasas u abitaziuns e locataris e locatarias.

D'abolir quella è gia stà tema in per giadas en il parlament, ed è vegnida refusada gia duas giadas a l'urna. Uss sto anc il Cussegl naziunal debattar.

audio
Per tadlar curt e cumpact
01:11 min, RTR Audio dals 21.09.2021.
laschar ir. Durada: 01:11 minutas.

RTR novitads 12:00

Artitgels legids il pli savens

Scrollar a sanestra Scrollar a dretga