Siglir tar il cuntegn

Svizra Cussegl dals chantuns da principi per refurmar l’armada

Il Cussegl dals chantuns di da principi gea a la refurma da l'armada planisada. Cun 35 encunter 3 vuschs ha el decis d'entrar en la debatta davart il svilup da l'armada svizra.

Schuldads che prender encunter material.
Legenda: Tranter auter duai il dumber dals schuldads vegnir reducì per bun la mesadad. Keystone

Davart ils detagls vul el sa cussegliar gievgia en in'emna. La basa da la refurma furma tranter auter la decisiun dal parlament da reducir l'armada sin 100’000 schuldads ed in budget annual da 5 milliuns francs l'onn. Vi da quai vul ina maioritad en il Cussegl dals chantuns midar nagut pli.

Gea ad aviun da transport militar

Il Cussegl dals chantuns ha plinavant decis che la Confederaziun dovria in aviun da transport militar. La chombra pitschna ha approvà 2 moziuns correspundentas cun il consentiment dal Cussegl federal. Sco quai ch'il minister da defensiun Ueli Maurer ha ditg, saja l'administraziun federala dapi l'atun vidlonder d'examinar la dumonda. Il Cussegl federal dastgass uschia sa fatschentar ils proxims mais davart la fatschenta.

RR novitads 15:00